Plantun de Prouvènço

Pèr coumpara dos planto d'encò nostre

Selaginella selaginoides & Typha domingensis

Selaginella selaginoides

Selaginellaceae

Nom en français : Sélaginelle fausse sélagine.

Descripcioun :
Li selaginello soun de planto sènso flour (teridoufito) gaire mai grosso que de moufo. Aquesto meno, trachis dins li pelouso umido e li palun de mountagno. Au contro dis àutri selaginello de Prouvènço, li ramo vènon drecho e rebalon pas au sòu. Li fueio soun estacado en espiralo, bourdado de dènt e acabado pèr uno pouncho.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 10 cm
Fueio : Foundo
Tipe bioulougico : Camefite
Cicle bioulougico : Planto renadivo

Gènre : Selaginella
Famiho : Selaginellaceae

Ordre : Selaginellales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Ca (Si)
Autour basso e auto : 1000 à 2700 m
Aparado : Noun
Juliet à avoust

Liò : Pelouso umido - Palun
Estànci : Subaupen à Aupen
Couroulougi : Bourealo
Ref. sc. : Selaginella selaginoides (L.) P.Beauv. ex Schrank & Mart., 1829

Paviho-rousso

Typha domingensis

Typhaceae

Àutri noum : Fielouso, Filouso, Masseto, Cire, Sagno.

Nom en français : Massette australe.

Descripcioun :
Coume tóuti li Typha, la paviho-rousso se recounèis à sis espigo femello e masclo. N'i'a cinq meno de Typha ; aquelo se destrìo, de segur de la coulour de l'espigo femello, rousso, mai peréu de si fueio pas trop largo e en mié-ciéucle en coupo, e tambèn de la loungour de separacioun entre li dos espigo (2 cm). Li fueio an d' auriheto gaire redouno au contro de T. angustifolia (vèire lou dessin).

Usanço :
Li fueio de paviho podon èstre utilisado pèr lou sagnage di cadiero e li flour pèr rempli li matalas. Se saup mens que li brout soun manjadis coume d'espargo. Se pòu faire de farino emé li racino e uno meno de pan emé l'agriero.